Kadib toban sano oo uu la qaatay Manchester City, Kevin De Bruyne wuxuu furey bog cusub oo xirfaddiisa ciyaareed ah kadib markii uu si xor ah ugu wareegay kooxda horyaalka Serie A ee Napoli. Guuritaankiisu wuxuu xirtay cutub qani ku ah taariikhdiisa, isagoo noqday wadnaha kooxda City, hal-abuurkooda ugu weyn, isla markaana mid ka mid ah ciyaaryahannada khadka dhexe ee ugu wanaagsan abid ee Premier League. Laakiin xitaa da’da 33 jirka ah, doorashadiisu waxay muujinaysaa in De Bruyne uusan weli diyaar u ahayn inuu fariisto – ee uu weli ku jiro tartanka.
Dhammaad aan uu isagu dooran
Ka tegista De Bruyne ee Manchester City ma ahayn mid uu isagu go’aansaday. Sida uu qoray The Athletic, ciyaaryahanka reer Belgium wuxuu doonayey inuu sii joogo Etihad, magaalada Manchesterna wuxuu ka dhigtay gurigiisa tan iyo 2015. Qoyska uu ku leeyahay halkaas – saddexdiisa carruur ahna waa halkaas ay ku dhasheen – wuxuu doonayay inuu sii joogo Waqooyiga Galbeed ee England. Si kastaba, kooxda City waxay go’aansatay inaysan u cusbooneysiinin qandaraaskiisa, taasoo ahayd lama filaan.
Inkasta oo dhaawacyo ay la socdeen sanadihii u dambeeyay, De Bruyne wuxuu weli ahaa maskaxdii ciyaarta – isagoo leeyahay awood uu ku furo difaacyada, kuna maamulo ciyaarta. Bixitaankiisu ma ahayn mid la xiriira hoos u dhac ciyaareed, balse wuxuu la xiriiiray qorshaha cusub ee kooxda ee mustaqbalka. De Bruyne-na wuu ka xanaaqay.
Fursaddii Liverpool
Mid ka mid ah warka yaabka leh ee xagaagan ayaa ahaa in De Bruyne uu “wadahadal kooban” la yeeshay kooxda uu yaraantiisa jeclaa – Liverpool. De Bruyne oo ku barbaaray Belgium wuxuu marar badan sheegay inuu taageeray Liverpool, iyadoo uu jeclaa Michael Owen oo ku guuleystay Ballon d’Or 2001 – xilli uu De Bruyne ahaa 10 jir.
Markii uu xor noqday, waxaa jiray daaqad yar oo uu ku biiri karay kooxda Reds. Laakiin Liverpool waxay ahayd mid diiradda saartay saxiixa xiddiga Jarmalka ah ee Florian Wirtz, mana aysan awoodin inay De Bruyne siiso dammaanad ah boos joogto ah. Maadaama uusan diyaar u ahayn inuu noqdo ciyaaryahan keyd ah, wadahadalkii si degdeg ah ayuu u dhammaaday.
Si kastaba, fikirka ah in De Bruyne – halyeeyga City – uu u ciyaaro Liverpool waxay ahaan lahayd mid ka mid ah dhacdooyinka waaweyn ee suuqa kala iibsiga xagaagan. Laakiin taasi ma dhicin.
Maxaa ku kallifay Napoli?
Markii uu xor noqday, De Bruyne wuxuu haystay fursado badan oo uu ka dooran karo – kuwaas oo ay ka mid ahaayeen Major League Soccer (MLS) iyo horyaalka Saudi Arabia. Si kastaba, wuxuu doortay waddo adag: Napoli. Kooxda horyaalka Talyaaniga ee hadda uu hogaamiyo Antonio Conte waxay bixisay mashruuc cusub oo xiiso leh.
Napoli waxay bixisay fursad uu kula tartami karo kooxo waa weyn, Champions League ayuu ka qeyb galayaa, wuxuuna heli doonaa tababare leh hannaan adag – Antonio Conte. Sidoo kale, joogitaanka Romelu Lukaku – saaxiibkiis Belgium – ayaa u sahlay la qabsiga.
Inuu qoyskiisa geeyo xeebta quruxda badan ee Amalfi Coast sidoo kale waxay ahayd go’aan nolosha ah. Laakiin waxa ugu weyn wuxuu ahaa tartanka.
Raba inuu City tuso qaladka ay galeen
Qof kasta oo xog-ogaal ah wuxuu sheegay in De Bruyne uu dareemay inaysan City si cadaalad ah ula dhaqmin. Toban sano oo adeeg daacad ah kadib, inuu baxo isagoo aan xitaa helin dalab cusbooneysiin ah, waxay ahayd mid xanuun badan. Napoli wuxuu u arkay meel uu ku caddeyn karo inaysan kooxdiisii hore sax ahayn.
Tartanka Serie A iyo Champions League labadaba waxay siinayaan De Bruyne fursad uu ku muujiyo tayadiisa weli. Haddii nasiibku dhaco, Napoli waxay la kulmi kartaa Manchester City wareegyada dambe ee Champions League – kulan noqon kara mid dareenkiisa oo dhan la galo.
Wuxuu doonayaa in dunidu aragto in uu weli yahay laacib heer sare ah.
Dhaxal iyo Hiigsi Cusub
Dhaxalka De Bruyne ee Manchester wuu suganyahay. Afar horyaal Premier League, koobab kale oo badan, iyo hal Champions League – dhammaan waxa uu ku gaadhay farsamo, aragti, iyo kalsooni buuxda. Waxa uu kamid yahay ciyaaryahanadii ugu fiicnaa ee abid kusoo ciyaara England.
Laakiin ciyaaryahanno sida De Bruyne ma jecla inay ku noolaadaan halyeeynimada kaliya. Napoli wuxuu u aaday si uu bog cusub u qoro, mid uu aduunka tuso in xiddigtaasi aanay weli dhicin.
Taasina waa sababta ay Napoli u heli doonto ciyaaryahan xamaasad iyo geesinimo leh – inkasta oo uu yahay 33 jir.
Gunaanad
Kubadda cagtu mararka qaar waxay sheegtaa sheekooyinka ciyaaryahannada sii gaboobaya, balse Kevin De Bruyne wuxuu qorayaa sheekadiisa u gaar ah. Wuxuu diiday inuu si tartiib ah u baxo ama u noqdo keyd – wuxuuna doortay inuu wajaho caqabado cusub, kuwaas oo si dhab ah u tijaabinaya xirfaddiisa iyo hamigiisa.
Napoli waxay heshay halyeey weli raba inuu caddeeyo wax kasta oo laga shakiyay. Manchester City-na waxay noqon kartaa kuwa ka shallaaya go’aankooda – haddii ay daawadaan De Bruyne oo qaab ciyaareed sare ku hoggaaminaya kooxdiisa cusub.
Kadib toban sano oo uu la qaatay Manchester City, Kevin De Bruyne wuxuu furey bog cusub oo xirfaddiisa ciyaareed ah kadib markii uu si xor ah ugu wareegay kooxda horyaalka Serie A ee Napoli. Guuritaankiisu wuxuu xirtay cutub qani ku ah taariikhdiisa, isagoo noqday wadnaha kooxda City, hal-abuurkooda ugu weyn, isla markaana mid ka mid ah ciyaaryahannada khadka dhexe ee ugu wanaagsan abid ee Premier League. Laakiin xitaa da’da 33 jirka ah, doorashadiisu waxay muujinaysaa in De Bruyne uusan weli diyaar u ahayn inuu fariisto – ee uu weli ku jiro tartanka.
Post a Comment